AVANC yn cynrychioli criw o bobl ifanc disglair a thalentog tu hwnt o'n traddodiadau cerddorol sy'n ysbrydoli'r genhedlaeth nesaf o gerddorion gwerin ifanc. Mae nhw'n arbenigo mewn adfywio cerddoriaeth a fu'n gudd mewn manuscripts llychlyd hen lyfrgell ar hyd yr oesau, gan eu trawsnewid yn eu ffordd dihafal eu hunain i fod yn gampweithiau egnïol ac unigryw. 
 
Dechreuodd y band fel Ensemble Gwerin Ieuenctid Cymru. Anelodd y prosiect gan Trac Cymru hyfforddi cerddorion ifanc oedran 18-25 mewn sgiliau cerddorol a fyddai'n eu ysgogi i ddilyn gyrfa fel cerddorion gwerin proffesiynnol, yn ogystal â chynrychioli cerddoriaeth gwerin Cymreig ar lwyfannau mawr. Eu tasg oedd i berfformio o safon uchel, gan ailddehongli cerddoriaeth draddodiadol Cymreig i gynulleidfaoedd newydd a chyfoes. Patrick Rimes oedd yn arwain yr ensemble, ynghŷd â'r tiwtoriaid Sam Humphreys a Gwen Màiri. Mae eu sain pwerus yn werth ei glywed gan griw o 12 aelod sy'n cynnwys offerynnau megis telynau teires, bagbibau a phump o glocswyr medrus.